ચેટિંગ કરતાં કરતાં જ ભરાઈ જશે બિલ: વોટ્સએપના નવા CEO એ જાહેર કર્યો ભવિષ્યનો મોટો પ્લાન
ઇન્સ્ટન્ટ મેસેજિંગ એપ વોટ્સએપ (WhatsApp) હવે માત્ર ચેટિંગ કે કોલિંગ પૂરતી સીમિત રહેશે નહીં. આગામી સમયમાં યુઝર્સ વોટ્સએપ પર વાતચીત કરતાં કરતાં જ પોતાના રોજિંદા જીવનના મહત્ત્વપૂર્ણ કામકાજ અને બિલ પેમેન્ટ જેવી સેવાઓનો સીધો લાભ એપની અંદરથી જ મેળવી શકશે.
વોટ્સએપના નવા CEO કુણાલ શાહે કંપનીના ભવિષ્યના રોડમેપની સત્તાવાર જાહેરાત કરતા આ મહત્ત્વની માહિતી શેર કરી છે.
વોટ્સએપના નવા રોડમેપની મુખ્ય બાબતો:
-
એપમાં જ બિલ પેમેન્ટ અને રોજિંદા કામ: યુઝર્સે હવે બિલ ભરવા કે અન્ય નાના-મોટા કામ માટે અલગ-અલગ એપ્સ પર જવાની જરૂર નહીં પડે. ચેટિંગની સાથે જ એપમાંથી સીધા બિલ ચૂકવી શકાશે.
-
AI (આર્ટિફિશિયલ ઇન્ટેલિજન્સ) નો ઉપયોગ: યુઝર્સનો સમય બચાવવા અને ડિજિટલ કનેક્શન્સને વધુ સરળ તેમજ સમૃદ્ધ બનાવવા માટે પ્લેટફોર્મ પર AI ફીચર્સ પર ખાસ ભાર મૂકવામાં આવશે.
-
પ્રાઇવસી સાથે કોઈ બાંધછોડ નહીં: નવા ફીચર્સ ઉમેરવા છતાં યુઝર્સની સુરક્ષા સર્વોપરી રહેશે. વ્યક્તિગત મેસેજ અને કોલ્સનું ઍન્ડ-ટુ-ઍન્ડ એન્ક્રિપ્શન (End-to-End Encryption) સંપૂર્ણપણે સુરક્ષિત રહેશે.
આ નવા ફેરફારો બાદ વોટ્સએપ એક ‘સુપર એપ’ તરીકે ઉભરી આવશે, જે કરોડો યુઝર્સના રોજિંદા ડિજિટલ અનુભવને વધુ ઝડપી અને સુવિધાજનક બનાવશે.