દિલ્હી / નેશનલ લીગલ બ્રેકિંગ:
દેશના નાગરિકોના મૂળભૂત અધિકારો અને વ્યક્તિગત સ્વતંત્રતાને સુરક્ષિત રાખવા માટે સુપ્રીમ કોર્ટે એક અત્યંત મહત્વપૂર્ણ અને સીમાચિહ્નરૂપ ચુકાદો આપ્યો છે. સર્વોચ્ચ અદાલતે સ્પષ્ટ કર્યું છે કે કોઈપણ આરોપીને ૨૪ કલાકની અંદર મેજિસ્ટ્રેટ સમક્ષ રજૂ કરવાની કાનૂની સમયમર્યાદા માત્ર કાગળ પર દર્શાવાયેલી ‘ઔપચારિક ધરપકડ’ થી નહીં, પરંતુ વાસ્તવિક રીતે પોલીસ દ્વારા ‘અટકાયતમાં લીધાના સમય’ થી જ ગણવામાં આવશે.
ત્રિપુરા હાઈકોર્ટનો આદેશ રદ:
સુપ્રીમ કોર્ટે ત્રિપુરા હાઈકોર્ટના અગાઉના એક આદેશને રદ કરતા આ ચુકાદો આપ્યો છે. આ કેસમાં ૨૯ સપ્ટેમ્બર ૨૦૨૫ ના રોજ હિરાસતમાં લેવાયેલા ૪ લોકોની સત્તાવાર ધરપકડ ૩૦ સપ્ટેમ્બરે દર્શાવવામાં આવી હતી, જેને કોર્ટે સખત શબ્દોમાં ગેરકાનૂની ઠેરવી છે.
નાગરિક અધિકારોની રક્ષા પર ભાર:
કોર્ટે જણાવ્યું હતું કે અટકાયતના સમયમાં હેરાફેરી કરીને કાયદાકીય પ્રક્રિયાનો દુરુપયોગ ચલાવી લેવામાં આવશે નહીં. અદાલતના આ કડક નિર્ણયથી પોલીસ તંત્રમાં અને તપાસ એજન્સીઓમાં સઘન સતર્કતા વ્યાપી ગઈ છે.