અમદાવાદ: ક્રિકેટ ચાહકો માટે એક મોટા અને ચોંકાવનારા સમાચાર સામે આવ્યા છે. ભારતીય ક્રિકેટ કંટ્રોલ બોર્ડ (BCCI) એ IPL 2026 ની ફાઇનલ અને પ્લેઓફ મેચોના સ્થળોમાં મોટો ફેરફાર કર્યો છે. અગાઉના આયોજન મુજબ ફાઇનલ મેચ બેંગલુરુમાં રમાવાની હતી, પરંતુ હવે IPL 2026 Final Ahmedabad ના નરેન્દ્ર મોદી સ્ટેડિયમમાં રમાશે.
IPL 2026 ફાઇનલનું સ્થળ શા માટે બદલવામાં આવ્યું?
IPL ના સામાન્ય નિયમો અનુસાર, ટુર્નામેન્ટની ફાઇનલ મેચ હંમેશા ડિફેન્ડિંગ ચેમ્પિયન (ગત વર્ષના વિજેતા) ટીમના હોમ ગ્રાઉન્ડ પર રમાડવામાં આવે છે. આ નિયમ મુજબ બેંગલુરુનું એમ. ચિન્નાસ્વામી સ્ટેડિયમ ફાઈનલની રેસમાં સૌથી આગળ હતું.
પરંતુ, તાજેતરમાં બેંગલુરુમાં સર્જાયેલા ટિકિટ વિવાદે આખું સમીકરણ બદલી નાખ્યું છે. સૂત્રોના જણાવ્યા અનુસાર, ટિકિટોના વેચાણ અને તેને લગતા મેનેજમેન્ટ ઇશ્યુઝને કારણે BCCI નારાજ હતું. આ જ કારણસર બોર્ડે રાતોરાત યુ-ટર્ન લઈને ફાઇનલ મેચને બેંગલુરુથી હટાવીને અમદાવાદના વિશ્વના સૌથી મોટા નરેન્દ્ર મોદી સ્ટેડિયમમાં શિફ્ટ કરવાનો ઐતિહાસિક નિર્ણય લીધો છે.
ક્વોલિફાયર અને એલિમિનેટર મેચો ક્યાં રમાશે?
અમદાવાદમાં રમાનારી ફાઈનલ ઉપરાંત, અન્ય પ્લેઓફ મેચો માટે પણ BCCI દ્વારા 2 નવા શહેરોની પસંદગી કરવામાં આવી છે:
-
ક્વોલિફાયર 1 (Qualifier 1): આ મહત્વપૂર્ણ મુકાબલો હિમાચલ પ્રદેશના સુંદર ક્રિકેટ સ્ટેડિયમ, ધર્મશાલા ખાતે રમાશે.
-
એલિમિનેટર અને ક્વોલિફાયર 2: આ બંને નોકઆઉટ મેચો પંજાબના ન્યૂ ચંદીગઢ સ્ટેડિયમમાં રમાડવામાં આવશે.
ગુજરાતના ક્રિકેટ રસિયાઓ માટે આ નિર્ણય કોઈ જશ્નથી કમ નથી, કારણ કે ફરી એકવાર અમદાવાદના આંગણે આઈપીએલનો મહાસંગ્રામ જોવા મળશે.
