વડોદરા: ગુજરાતમાં Local Body Elections સ્થાનિક સ્વરાજ્યની ચૂંટણીના માહોલ વચ્ચે વડોદરા ગ્રામ્યના ડભોઈ તાલુકા પંચાયતમાં હિંસક અથડામણના દૃશ્યો સર્જાયા છે. ભાજપ અને કોંગ્રેસના આગેવાનો વચ્ચે ચાલી રહેલી શાબ્દિક ટપાટપીએ જોતજોતામાં ઉગ્ર સ્વરૂપ ધારણ કર્યું હતું અને બંને પક્ષના કાર્યકરો વચ્ચે છૂટ્ટા હાથે મારામારી પણ થઈ હતી.
કેમ શરૂ થઈ બબાલ?
મળતી માહિતી મુજબ, વિવાદનું મુખ્ય કેન્દ્ર બાણજ તાલુકા પંચાયતની બેઠક છે. અહીં કોંગ્રેસના ઉમેદવારને બેસાડવા (ફોર્મ પરત ખેંચવા) ના મુદ્દે ગંભીર વિવાદ ઉભો થયો હતો.
-
કોંગ્રેસના બાણજ બેઠકના ઉમેદવારે અચાનક પોતાનું Election Nomination ફોર્મ પરત ખેંચતા કોંગ્રેસના કાર્યકરો રોષે ભરાયા હતા.
-
કોંગ્રેસે આક્ષેપ કર્યો છે કે ભાજપ દ્વારા દબાણ લાવીને ઉમેદવારનું ફોર્મ પરત ખેંચાવવામાં આવ્યું છે. આ મુદ્દે ચાલી રહેલી દલીલો વચ્ચે બંને પક્ષો વચ્ચે મારામારી શરૂ થઈ ગઈ હતી.
મારામારીમાં અનેક કાર્યકરો ઈજાગ્રસ્ત
તાલુકા પંચાયત કચેરી જેવી જાહેર જગ્યા પર જ ભાજપ અને કોંગ્રેસના કાર્યકરો એકબીજા પર તૂટી પડ્યા હતા. આ Political Conflict દરમિયાન બંને પક્ષના કેટલાક કાર્યકરોને નાની-મોટી ઈજાઓ પહોંચી છે. ઘટનાના પગલે આસપાસના વિસ્તારમાં ભારે અફરાતફરી મચી ગઈ હતી.
પોલીસે સ્થિતિ થાળે પાડી
ઘટનાની જાણ થતા જ Local Police નો કાફલો તાત્કાલિક ઘટનાસ્થળે દોડી આવ્યો હતો. પોલીસે વચ્ચે પડીને મામલો શાંત પાડવાનો પ્રયાસ કર્યો હતો. હાલમાં ડભોઈમાં Political Tension ખૂબ જ વધી ગયું છે અને બંને પક્ષો એકબીજા પર આક્ષેપ-પ્રતિઆક્ષેપ કરી રહ્યા છે. ઉલ્લેખનિય છે કે આ મારામારી દરમિયાન પોલીસ હાજર હોવા છતાં ઝઘડાએ ઉગ્ર સ્વરૃપ ધારણ કર્યું હતું.
