અમદાવાદ: આજે AURA ઈન્ડિયા ટૂર અંતર્ગત વિશ્વના સૌથી મોટા નરેન્દ્ર મોદી સ્ટેડિયમમાં લોકપ્રિય ગાયક દિલજીત દોસાંજનો મેગા લાઇવ કોન્સર્ટ યોજાવા જઈ રહ્યો છે. આ કોન્સર્ટને લઈને અમદાવાદ સહિત સમગ્ર ગુજરાતના યુવાનોમાં અનોખો ઉત્સાહ જોવા મળી રહ્યો છે, તેમજ મહારાષ્ટ્ર, રાજસ્થાન, મધ્ય પ્રદેશ, દિલ્હી અને પંજાબ સહિતના રાજ્યોમાંથી પણ મોટી સંખ્યામાં ચાહકો અમદાવાદ ઉમટી પડ્યા છે. આ ક્રેઝ વચ્ચે અમદાવાદનો એક યુવા આર્ટિસ્ટ પૌમિલ ખત્રી બે વર્ષ પહેલાં રાત-દિવસ મહેનત કરીને પોતાના હાથે બનાવેલી દિલજીત દોસાંજની ખાસ પેઇન્ટિંગ ગિફ્ટ કરવા માટે ITC નર્મદા હોટેલ ખાતે પહોંચ્યો છે.
૨૦૨૪માં અધૂરું રહેલું સપનું પૂરું કરવા ફરી પહોંચ્યો હોટેલ
અમદાવાદમાં રહેતા આર્ટિસ્ટ પૌમિલ ખત્રી અલગ-અલગ સેલિબ્રિટી અને કલાકારોની પેઇન્ટિંગ બનાવીને તેમને રૂબરૂ મુલાકાતમાં ભેટ આપે છે. આજથી બે વર્ષ પહેલાં એટલે કે ૧૭ નવેમ્બર, ૨૦૨૪ના રોજ જ્યારે ગાંધીનગરના ગિફ્ટ સિટીમાં દિલજીત દોસાંજનો કોન્સર્ટ યોજાયો હતો, ત્યારે પૌમિલે રાત-દિવસ મહેનત કરીને દિલજીતની એક અદભુત પેઇન્ટિંગ તૈયાર કરી હતી. જોકે, તે સમયે હોટેલ સુધી પહોંચવા છતાં દિલજીતની ટીમના કોઈ સભ્ય સાથે મુલાકાત ન થઈ શકતા તે પેઇન્ટિંગ આપી શક્યો ન હતો. હવે ફરી અમદાવાદમાં દિલજીતનો કોન્સર્ટ હોવાથી પૌમિલ ખત્રી આ પેઇન્ટિંગ ગિફ્ટ કરવા ITC નર્મદા હોટેલ ખાતે પહોંચ્યો છે અને સોશિયલ મીડિયા પર રીલ શેર કરીને પોતાનું સપનું પૂરું થવાની આશા વ્યક્ત કરી છે.
ત્રણ અલગ-અલગ મીડિયમથી ૧૫ દિવસમાં તૈયાર થઈ છે પેઇન્ટિંગ
કોઈપણ પ્રોફેશનલ કોર્સ કે ટ્રેનિંગ વગર છેલ્લા ૧૦ વર્ષથી આર્ટ ક્ષેત્રે કાર્યરત પૌમિલ ખત્રીએ આ પેઇન્ટિંગ તૈયાર કરવામાં ૧૪ થી ૧૫ દિવસનો સમય લીધો છે. ત્રણ અલગ-અલગ મીડિયમનો ઉપયોગ કરીને બનાવાયેલી આ પેઇન્ટિંગની ખાસિયતો નીચે મુજબ છે:
| પેઇન્ટિંગનો ભાગ | ઉપયોગમાં લેવાયેલ મીડિયમ અને ખાસિયત | ||
| દિલજીતનો ચહેરો | આકર્ષક અને આધુનિક લુક આપવા માટે પોપ આર્ટ (Pop Art) શૈલીથી તૈયાર કરાયો છે. | ||
