અમરેલી: અમરેલીની RTO કચેરી અત્યારે વિવાદોના વમળમાં ફસાઈ છે. રાજ્યમાં કડક દારૂબંધીના દાવાઓ વચ્ચે સરકારી કચેરીના પટાંગણમાં જ દારૂની ખાલી બોટલો મળી આવી છે. તેથી, તંત્રની પોલ ખુલ્લી પડી ગઈ છે. આ બાબતનું કવરેજ કરવા ગયેલા પત્રકાર અને સામાજિક કાર્યકર પર RTO ઇન્સ્પેક્ટર દ્વારા દબાણ કરવામાં આવ્યું હતું.
સરકારી કચેરીમાં દારૂની બોટલોનો જથ્થો
બાતમીના આધારે જ્યારે પત્રકાર કવરેજ કરવા અમરેલી RTO કચેરી પહોંચ્યા, ત્યારે ત્યાં બારી પાસે વિદેશી દારૂની ખાલી બોટલો જોવા મળી હતી. વધુમાં, આ ગંભીર બેદરકારી અંગે જ્યારે અધિકારીઓને સવાલ પૂછવામાં આવ્યા, ત્યારે તેઓ જવાબ આપવાને બદલે પત્રકાર પર તૂટી પડ્યા હતા.
પત્રકાર પર પોલીસ ફરિયાદની ધમકી
વીડિયોમાં જોઈ શકાય છે કે પત્રકારનો અવાજ દબાવવા માટે RTO ઇન્સ્પેક્ટર અને સ્ટાફે ગેટને તાળું મારવાની કોશિશ કરી હતી. પરિણામે, પત્રકારે ગુનો કર્યો હોય તેમ તેમને પોલીસ ફરિયાદની ધમકી આપવામાં આવી હતી. “તમારી સામે FIR કરીશું” તેવી ધમકીઓ આપી અધિકારીઓએ પોતાની સત્તાનો દુરુપયોગ કર્યો છે.
લોકશાહીના ચોથા સ્તંભ પર ખતરો
આ ઘટનાએ અનેક સવાલો ઉભા કર્યા છે. જોકે, પત્રકાર જ્યારે બદીઓ બહાર લાવવાનું કામ કરે છે, ત્યારે અધિકારીઓ દ્વારા તેમને ધમકાવવા તે ગંભીર બાબત છે. આ બાબતે ઉચ્ચ કક્ષાએથી તપાસ થાય અને જવાબદાર અધિકારીઓ સામે કડક પગલાં લેવામાં આવે તેવી માંગ ઉઠી છે.
