‘જનરલ ડાયર કોણ છે એ જવાબ આનંદીબેન પણ આપી જ શકે’: દિનેશ બાંભણિયાના માફીના નિવેદન પર ગીતા પટેલની સૂચક પ્રતિક્રિયા
પાટીદાર અનામત આંદોલન અને પૂર્વ મુખ્યમંત્રી આનંદીબેન પટેલની માફી માગવાના મુદ્દે પાટીદાર અગ્રણી દિનેશ બાંભણિયાના નિવેદન બાદ ગુજરાતના રાજકારણમાં ચાલી રહેલી નિવેદનબાજીમાં હવે ગીતા પટેલની પ્રતિક્રિયા પણ સામે આવી છે. મીડિયા સાથેની વાતચીતમાં ગીતા પટેલે આ સમગ્ર વિવાદ પર પોતાનો મત રજૂ કરતા જણાવ્યું હતું કે, “જનરલ ડાયર કોણ છે એ જવાબ આનંદીબેન પણ આપી જ શકે.”
દિનેશ બાંભણિયાના નિવેદન પર ગીતા પટેલે શું કહ્યું?
જસદણના કાર્યક્રમમાં દિનેશ બાંભણિયા દ્વારા વ્યક્ત કરવામાં આવેલા વસવસા અને માફીના નિવેદન અંગે પૂછવામાં આવતા ગીતા પટેલે નીચે મુજબની વાતો રજૂ કરી હતી:
-
સામાજિક કાર્યક્રમોમાં થતી ચર્ચા: ગીતા પટેલે જણાવ્યું હતું કે, “પાટીદાર સમાજના કાર્યક્રમોમાં આવા ટોપિક ઉઠતા હોય છે.”
-
‘જનરલ ડાયર’ મુદ્દે સૂચક નિવેદન: પાટીદાર આંદોલન સમયના દમન અને લાઠીચાર્જના આદેશ આપનાર ‘જનરલ ડાયર’ની ઓળખ અંગે ચાલી રહેલી ચર્ચા વચ્ચે ગીતા પટેલે સ્પષ્ટ શબ્દોમાં કહ્યું કે, “જનરલ ડાયર કોણ છે એ જવાબ આનંદીબેન પણ આપી જ શકે.”
પાટીદાર અગ્રણી દિનેશ બાંભણિયાના નિવેદન બાદ અનાર પટેલ, હાર્દિક પટેલ, લાલજી પટેલ, અલ્પેશ કથીરિયા, ચિરાગ પટેલ અને વરુણ પટેલ સહિતના નેતાઓના નિવેદનો સામે આવ્યા છે, ત્યારે ગીતા પટેલના આ નિવેદને આંદોલન સમયની જવાબદારી અને ‘જનરલ ડાયર’ના મુદ્દાને ફરી ચર્ચાના કેન્દ્રમાં લાવી દીધો છે.
