રાજકોટ / નવરાત્રિ ગ્રાન્ડ કવરેજ:
રાજકોટમાં નવરાત્રિના સાતમા નોરતે આહીર સેના દ્વારા પ્રથમ વખત અત્યંત ભવ્ય અને દિવ્ય ‘આહીર ગરબા મહોત્સવ’નું આયોજન કરવામાં આવ્યું હતું. આ મહોત્સવે પોતાની આગવી સંસ્કૃતિ, પરંપરાગત શૈલી અને ભક્તિભાવથી સમગ્ર રંગીલા રાજકોટને મંત્રમુગ્ધ કરી દીધું હતું.
૧૫ હજાર ખેલૈયાઓની રમઝટ: આશરે ૧૫ હજાર જેટલા આહીર સમાજના ભાઈ-બહેનો પરંપરાગત પહેરવેશ (રાસ-કેડિયા અને ચાંદી-સોનાના ઘરચોળા)માં સજ્જ થઈને ગરબે રમ્યા હતા.
૯૦૦ કિલો સોનાના દાગીના: આ ગરબા મહોત્સવમાં આહીરાણીઓએ અંદાજે ૯૦૦ કિલો સોનાના આભૂષણો ધારણ કર્યા હોવાનો આયોજકો દ્વારા દાવો કરવામાં આવ્યો હતો.
૨૧ હજાર દીવડાથી મહાઆરતી: મહોત્સવનું મુખ્ય આકર્ષણ ભગવાન દ્વારકાધીશજીની ૨૧,૦૦૦ દીવડાઓ વડે કરવામાં આવેલી અલૌકિક અને ભવ્ય મહાઆરતી રહી હતી, જેનાથી સમગ્ર ગ્રાઉન્ડ દિવ્ય રોશની અને જય દ્વારકાધીશના નાદથી ગૂંજી ઊઠ્યું હતું.
