અમેરિકા જવા માંગતા લોકો માટે ખરાબ સમાચાર છે. યુએસ ઈમિગ્રેશન વિભાગે વિઝા ફીમાં કરેલો વધારો આજથી અમલમાં આવી ગયો છે. H-1B અને L-1 જેવા વર્ક વિઝા ઉપરાંત સ્ટુડન્ટ અને ટુરિસ્ટ વિઝાની ફીમાં પણ નોંધપાત્ર વધારો થયો છે. કંપનીઓ માટે હવે કર્મચારીને અમેરિકા મોકલવો પહેલા કરતા ઘણો મોંઘો પડશે. ભારતીય આઈટી કંપનીઓને આ નિર્ણયથી સૌથી વધુ અસર થશે કારણ કે મોટી સંખ્યામાં એન્જિનિયરો અમેરિકા જાય છે. વિદ્યાર્થીઓ માટે F-1 વિઝા અને પરિવાર સાથે ફરવા જતા લોકો માટે B1/B2 વિઝાની કિંમત વધતા સામાન્ય લોકોના બજેટ પર અસર પડશે. ડોલર મોંઘો હોવાથી રૂપિયામાં આ વધારો વધુ મોટો લાગી રહ્યો છે.
