અમદાવાદ: ગુજરાતમાં કાળઝાળ ગરમી વચ્ચે હવામાન વિભાગ દ્વારા રાહતના સમાચાર આપવામાં આવ્યા છે. આગામી 19 અને 20 એપ્રિલના રોજ રાજ્યના કેટલાક જિલ્લાઓમાં Unseasonal Rain (માવઠું) થવાની શક્યતા છે. જોકે, હાલમાં મોટા ભાગના શહેરોમાં હિટવેવ જેવી સ્થિતિ છે અને ગરમીનો પારો 40°C ને પાર પહોંચી ગયો છે.
રાજકોટમાં સૌથી વધુ તાપમાન
ગઈકાલે રાજ્યના 4 શહેરોમાં તાપમાન 40 ડિગ્રીથી વધુ નોંધાયું હતું. જેમાં રાજકોટ સિટી 41.9 ડિગ્રી સેલ્સિયસ સાથે સૌથી ગરમ રહ્યું છે. અન્ય શહેરોની સ્થિતિ:
-
સુરેન્દ્રનગર: 41°C
-
અમદાવાદ: 40.4°C
-
અમરેલી: 40.3°C
કયા જિલ્લાઓમાં માવઠું પડશે?
હવામાન વિભાગના જણાવ્યા અનુસાર, વેસ્ટર્ન ડિસ્ડર્બન્સ અને ટ્રફ સિસ્ટમને કારણે વાતાવરણમાં પલટો આવશે.
-
19 એપ્રિલ: અમરેલી, ભાવનગર, અરવલ્લી, મહીસાગર અને દાહોદમાં હળવો વરસાદ પડી શકે છે.
-
20 એપ્રિલ: અમરેલી, ભાવનગર, તાપી અને ડાંગ જિલ્લામાં હળવાથી મધ્યમ વરસાદની સંભાવના છે.
આગામી દિવસોમાં તાપમાન ઘટશે
આગામી બે દિવસ સુધી મહત્તમ તાપમાનમાં કોઈ મોટો ફેરફાર થશે નહીં, પરંતુ ત્યારબાદ તાપમાનમાં 2 થી 3 ડિગ્રીનો ઘટાડો થવાની આશા છે. પશ્ચિમથી ઉત્તર-પશ્ચિમ તરફના પવનોને કારણે દરિયાકાંઠાના વિસ્તારોમાં ગરમીની સાથે ભેજવાળું વાતાવરણ (Humid Weather) લોકોને પરેશાન કરી શકે છે.
