પંચમહાલ / ધાર્મિક બ્રેકિંગ:
પવિત્ર આસો નવરાત્રિ પર્વ અંતર્ગત પંચમહાલ જિલ્લામાં આવેલા વિશ્વપ્રસિદ્ધ શક્તિપીઠ પાવાગઢ ખાતે છઠ્ઠા નોરતે ભક્તિનું અદભુત વાતાવરણ જોવા મળ્યું હતું. માં મહાકાળીના આશીર્વાદ મેળવવા માટે ગુજરાત અને બહારથી આવેલા લાખો શ્રદ્ધાળુઓનું ભારે ઘોડાપૂર ઉમટી પડ્યું હતું.
મંગળા આરતીમાં જનમેદની: માં મહાકાળીની પવિત્ર મંગળા આરતીના દર્શન કરવા માટે ભક્તો મોડી રાત્રિથી જ પાવાગઢ ડુંગર પર પહોંચવાનું શરૂ કરી દીધું હતું.
દર્શન માટે લાંબી કતારો: વહેલી સવારથી જ નિજ મંદિર પરિસરમાં ભક્તોની લાંબી લાઈનો જોવા મળી હતી. ભક્તોએ ‘જય મા મહાકાળી’ના જયઘોષ સાથે માતાજીના દર્શન કરી ધન્યતા અનુભવી હતી.
આરતીનો લ્હાવો લીધો: સુચારુ વ્યવસ્થા વચ્ચે હજારો ભાવિકોએ વહેલી સવારે ભવ્ય આરતીમાં ભાગ લઈને માં જગદંબાના આશીર્વાદ પ્રાપ્ત કર્યા હતા.
