પોરબંદર / સાંસ્કૃતિક વારસો:
આજના આધુનિક યુગમાં જ્યાં શેરી ગરબીઓ અને કલબ-ડીજે ગરબા વચ્ચે પ્રાચીન ગરબાઓ લુપ્ત થવાના આરે છે, ત્યારે પોરબંદરમાં મહેર સમાજે પોતાની અનોખી અને ભાતીગળ પરંપરાને આજે પણ અકબંધ જાળવી રાખી છે. નવરાત્રિ મહોત્સવ દરમિયાન મહેર સમાજના ભાઈ-બહેનો દ્વારા ભવ્ય પરંપરાગત રાસોત્સવનું આયોજન કરવામાં આવે છે.
કરોડોના દાગીના અને પરંપરાગત પોશાક: રાસોત્સવમાં મહિલાઓ પોતાના પરંપરાગત વસ્ત્રો સાથે શણગારેલા કરોડો રૂપિયાના અસલી સોનાના દાગીના પહેરીને મહેરના પરંપરાગત રાસડા રમે છે.
વીરતાથી છલકાતો મણિયારો રાસ: પુરુષો કેડિયું-ચોરણ અને પાઘડી જેવા ટ્રેડિશનલ પોશાકમાં સજ્જ થઈને શૌર્યથી ભરપૂર ‘મણિયારો રાસ’ લે છે, ત્યારે પ્રાચીન લોકસંસ્કૃતિ સાકાર થઈ ઉઠે છે.
ભવ્ય સાંસ્કૃતિક વારસો: નવી પેઢીને પોતાના મૂળ અને વિરાસત સાથે જોડી રાખતી મહેર સમાજની આ પ્રાચીન ઉજવણી સમગ્ર ગુજરાત માટે ગૌરવરૂપ બની રહી છે.
