અમદાવાદ / રાજકીય & સામાજિક:
પ્રધાનમંત્રી નરેન્દ્રભાઈ મોદીના જનસેવાના સફળ ૨૫ વર્ષ પૂર્ણ થવા નિમિત્તે અમદાવાદના વિરાટનગર ખાતે એક ખાસ ઉજવણી અને પ્રોત્સાહક કાર્યક્રમનું આયોજન કરવામાં આવ્યું હતું. નગર પ્રાથમિક શિક્ષણ સમિતિ, અમદાવાદ તથા ધી ટેક્સટાઈલ એસોસિએશનના સંયુક્ત ઉપક્રમે યોજાયેલા નોટબુક વિતરણ અને ગરબા સ્પર્ધામાં ભાજપા પ્રદેશ અધ્યક્ષ જગદીશભાઈ વિશ્વકર્મા ખાસ ઉપસ્થિત રહ્યા હતા.
બાળકો સાથે આત્મીય સંવાદ: કાર્યક્રમ દરમિયાન જગદીશભાઈ વિશ્વકર્માએ પ્રાથમિક શાળાના વિદ્યાર્થીઓ સાથે વાર્તાલાપ કરીને તેમને નોટબુક્સનું વિતરણ કર્યું હતું.
ગરબા સ્પર્ધા નિહાળી: શહેર કક્ષાની ગરબા સ્પર્ધામાં ભાગ લેનાર નાના ભૂલકાંઓ અને વિદ્યાર્થીઓની સાંસ્કૃતિક પ્રસ્તુતિ નિહાળીને તેમને પ્રોત્સાહિત કર્યા હતા.
અગ્રણીઓની ઉપસ્થિતિ: આ પ્રસંગે અમદાવાદના મેયર હિતેશભાઈ બારોટ, શહેર ભાજપ અધ્યક્ષ પ્રેરકભાઈ શાહ, સાંસદ હસમુખભાઈ પટેલ સહિતના પ્રમુખ રાજકીય અને સામાજિક આગેવાનો મોટી સંખ્યામાં હાજર રહ્યા હતા.
