ગાંધીનગર / પોલિટિકલ બ્રેકિંગ:
ગાંધીનગરમાં પોતાની પડતર માંગણીઓને લઈને આંદોલન પર ઉતરેલા વન રક્ષકો અને વનપાલોના સમર્થનમાં આમ આદમી પાર્ટી (AAP) મેદાને આવી છે. ‘આપ’ના ગુજરાત પ્રદેશ પ્રમુખ ઈસુદાન ગઢવી એ એક વીડિયો સંદેશ જારી કરીને સરકાર સામે વન રક્ષકોના પ્રશ્નો વહેલી તકે ઉકેલવાની માંગ કરી છે.
જોખમી ભથ્થું અને ગ્રેડ પેની માંગ:
ઈસુદાન ગઢવીએ જણાવ્યું હતું કે, હિંસક પ્રાણીઓ વચ્ચે રહીને જંગલોની રક્ષા કરતા વન રક્ષકો અને વનપાલો લાંબા સમયથી પોતાના હકની માંગ કરી રહ્યા છે. જોખમી ભથ્થું, ગ્રેડ પે, સીધી ભરતી, રજા અને બદલીના મામલાઓ સહિતની આ માંગણીઓ એવી નથી કે જેનાથી સરકાર પર મોટું આર્થિક ભારણ વધી જાય, છતાં સરકાર દ્વારા ધ્યાન આપવામાં નથી આવી રહ્યું.
સરકાર સમક્ષ ઉકેલ લાવવાની અપીલ:
તેમણે મુખ્યમંત્રી અને વનમંત્રીને વિનંતી કરી છે કે ખાખી વસ્ત્રોમાં આંદોલન કરવા મજબૂર બનેલા આ કર્મચારીઓની વ્યાજબી માંગણીઓ સાંભળીને તાત્કાલિક ધોરણે યોગ્ય ઉકેલ લાવવામાં આવે.
