સ્પોર્ટ્સ / ક્રિકેટ બ્રેકિંગ:
આંતરરાષ્ટ્રીય ક્રિકેટ કાઉન્સિલ (ICC)એ અંડર-૧૯ મહિલા T20 વિશ્વ કપના કાર્યક્રમની સત્તાવાર જાહેરાત કરી દીધી છે. આ વર્લ્ડ કપ ટુર્નામેન્ટ ૨૧ જાન્યુઆરીથી ૬ ફેબ્રુઆરી દરમિયાન બાંગ્લાદેશ અને નેપાળની સંયુક્ત મેજબાનીમાં રમાશે.
ટીમ ઈન્ડિયાનો ઓપનિંગ મેચ: ભારતીય અંડર-૧૯ મહિલા ટીમ ૨૨ જાન્યુઆરીના રોજ નેપાળના કાઠમંડુ ખાતે વેસ્ટઈન્ડિઝ સામે પોતાનો પ્રથમ મુકાબલો રમીને વર્લ્ડ કપ અભિયાનની શરૂઆત કરશે.
ટુર્નામેન્ટ ફોર્મેટ: આ વર્લ્ડ કપમાં કુલ ૧૬ ટીમો ભાગ લઈ રહી છે, જેમને ૪ અલગ-અલગ ગ્રુપમાં વહેંચવામાં આવી છે. ગ્રુપ સ્ટેજના તમામ મુકાબલા ૨૬ જાન્યુઆરી સુધી રમાશે.
સેમિફાઇનલ અને ફાઇનલ: ટુર્નામેન્ટની સેમિફાઇનલ મેચો ૪ ફેબ્રુઆરીના રોજ અને મહામુકાબલો એટલે કે ફાઇનલ મેચ ૬ ફેબ્રુઆરીએ બાંગ્લાદેશના ચટ્ટોગ્રામ સ્ટેડિયમ ખાતે યોજાશે.