ગાંધીનગરઃ ગુજરાત સરકારના મહેસૂલ વિભાગ સંબંધિત મહત્વપૂર્ણ સમાચાર સામે આવ્યા છે. રાજ્ય સરકારે ગુજરાત એડમિનિસ્ટ્રેટિવ સર્વિસ (GAS) કેડરના 33 વરિષ્ઠ અધિકારીઓને પ્રમોશન આપવાનો નિર્ણય લીધો છે. આ અંગે સામાન્ય વહીવટ વિભાગ (GAD) દ્વારા સત્તાવાર યાદી જાહેર કરવામાં આવી છે.
પગાર ધોરણમાં વધારો
નવા પરિપત્ર અનુસાર, અત્યાર સુધી ‘સિનિયર સ્કેલ’ (પે મેટ્રિક્સ લેવલ-12) હેઠળ સેવા આપતા અધિકારીઓને હવે ‘સિલેક્શન સ્કેલ’ (પે મેટ્રિક્સ લેવલ-13)માં પ્રમોશન આપવામાં આવ્યું છે. અગાઉનો પગાર ધોરણ ₹78,800 થી ₹2,09,200 હતો, જે હવે વધીને ₹1,23,100 થી ₹2,15,900 સુધીનો રહેશે.
બદલી કરવામાં આવી નથી
સરકારના આ નિર્ણયથી સંબંધિત અધિકારીઓને નાણાકીય તેમજ વહીવટી રીતે મહત્વનો લાભ મળશે. ખાસ નોંધનીય બાબત એ છે કે, પ્રમોશન સાથે જ તમામ અધિકારીઓને તેમની હાલની જ પોસ્ટ પર પુનઃનિયુક્ત કરવામાં આવ્યા છે. એટલે કે, હાલમાં તેમની કોઈ બદલી કરવામાં આવી નથી અને તેઓ વર્તમાન હોદ્દા પર રહીને જ નવી સિલેક્શન સ્કેલનો લાભ લેશે.