ગાંધીનગરઃ ગુજરાત રાજ્ય સરકારે 31મી ડિસેમ્બરની રાત્રે 27 જેટલા IAS તથા 49 IPSને પ્રમોશન આપ્યું હતું. હવે સ્થાનિક સ્વરાજની ચૂંટણી પહેલા જ સરકારે કેટલાક IAS અધિકારીઓની બદલી કરવા તૈયારીઓ શરૂ કરી હોય એવા એંધાણ છે. રાજ્યના ત્રણ IAS અધિકારીઓને વધારાનો ચાર્જ સોંપવામાં આવ્યો છે. રાજ્ય સરકારે ટ્રાંસપોર્ટ વિભાગના કમિશનર ડૉ. રાજેન્દ્રકુમારને GPSCનો વધારાનો ચાર્જ સોંપી દીધો છે.
વધારાનો ચાર્જ સોંપવામાં આવ્યો
રાજેન્દ્ર કુમારને GPSCના ઈન્ચાર્જ MD બનાવવામાં આવ્યા છે. આ ઉપરાંત GNVFCના મેનેજિંગ ડાયરેક્ટર રાજકુમાર બેનિવાલને શહેરી વિકાસ વિભાગના ઈન્ચાર્જ સચીવનો ચાર્જ સોંપવામાં આવ્યો છે. આ વધારાનો ચાર્જ છે. જ્યારે કે.એલ. બચાણી, જેઓ ઈન્ફોર્મેશન કમિશનર છે એમને એવિએશન વિભાગના ઈન્ચાર્જ તરીકેનો વધારાનો હવાલો આપવામાં આવ્યો છે.
