ગાંધીનગર / રાજકીય બ્રેકિંગ:
કોંગ્રેસના રાષ્ટ્રીય અધ્યક્ષ મલ્લિકાર્જુન ખડગે દ્વારા પ્રધાનમંત્રી નરેન્દ્ર મોદીના સ્વર્ગસ્થ પિતાશ્રી સામે આપવામાં આવેલા વિવાદિત નિવેદનને લઈને ગુજરાત ભાજપ આક્રમક મૂડમાં આવી ગયું છે. આ અસભ્ય અને મર્યાદા વટાવી ગયેલી ટિપ્પણીના વિરોધમાં આજે ગાંધીનગર ખાતે ભાજપ દ્વારા ભવ્ય વિરોધ પ્રદર્શન અને રેલીનું આયોજન કરવામાં આવ્યું છે.
ઘ-5 સર્કલથી કોંગ્રેસ કાર્યાલય સુધી વિરોધ:
આજે સાંજે ૪ વાગ્યે ગાંધીનગરના પ્રખ્યાત ‘ઘ-5’ સર્કલથી આ વિરોધ પ્રદર્શનનો પ્રારંભ થશે. ભાજપના પ્રદેશ પ્રભારી તરુણ ચુઘ અને પ્રદેશ અધ્યક્ષ જગદીશ વિશ્વકર્માની વિશેષ ઉપસ્થિતિમાં ભાજપના દિગ્ગજ આગેવાનો અને કાર્યકરો ‘ઘ-5’ સર્કલથી ગાંધીનગર શહેર કોંગ્રેસ કાર્યાલય સુધી કૂચ કરીને પોતાનો ઉગ્ર વિરોધ નોંધાવશે.
રાજકીય માહોલ ગરમાયો:
ખડગેના નિવેદનને અત્યંત નિંદનીય અને અસભ્ય ગણાવીને ભાજપ દ્વારા રાજ્યવ્યાપી વિરોધના એંધાણ વર્તાઈ રહ્યા છે, જેને પગલે ગાંધીનગરનો રાજકીય માહોલ અત્યંત ગરમાયો છે.