મોરબી / રાજકીય બ્રેકિંગ:
મોરબી મુલાકાત દરમિયાન વિધાનસભાના વિરોધ પક્ષના નેતા તુષાર ચૌધરીએ રાજ્યમાં વહેલી ચૂંટણી યોજાવાના સંકેત આપીને રાજકારણમાં ભારે ગરમાવો લાવી દીધો છે. તેમણે સૌરાષ્ટ્રમાં પાણીના સંકટ અને સરકારની નીતિઓ પર તીખા પ્રહારો કર્યા હતા.
સૌરાષ્ટ્રમાં જળસંકટ અને દુષ્કાળની માંગ: તુષાર ચૌધરીએ જણાવ્યું હતું કે, હાલ સૌરાષ્ટ્રમાં પાણીની સ્થિતિ અત્યંત ખરાબ છે. વિધાનસભાના સત્ર દરમિયાન પણ અમે સરકાર સમક્ષ પાંચ પ્રમુખ માંગણીઓ મૂકી હતી. પરંતુ સરકારની દાનત ખરાબ હોવાથી તે સૌરાષ્ટ્રમાં દુષ્કાળ જાહેર કરી રહી નથી.
વહેલી ચૂંટણીનો સનસનાટીભર્યો આક્ષેપ: તેમણે આરોપ લગાવ્યો હતો કે, સરકાર જાન્યુઆરી અથવા ફેબ્રુઆરીમાં વહેલી ચૂંટણી કરાવવાની ગણતરી કરી રહી છે.
જનતા સાથે છેતરપિંડીનો આરોપ: એપ્રિલ અને મે મહિનામાં જ્યારે સૌરાષ્ટ્રમાં પાણી માટે હાહાકાર મચશે, તે પહેલાં જ સરકાર લોકો પાસેથી મત લઈને ભાગી જવા માગે છે તેમ તેમણે ઉમેર્યું હતું.