અમદાવાદ / ક્રાઈમ બ્રેકિંગ:
અમદાવાદ શહેરમાં ઓનલાઇન ડિલિવરી સર્વિસ પોર્ટર (Porter) મારફતે હાથ ધરાતી MD ડ્રગ્સની હેરાફેરીનો એક ચોંકાવનારો પર્દાફાશ થયો છે. ડિલિવરી બોયની સમયસૂચકતા અને જાગૃતિના કારણે ડ્રગ્સની મોટી ખેપ પકડાઈ ગઈ છે.
ગોતા પહોંચાડવાનું હતું પાર્સલ: નાના ચિલોડા ખાતેથી ગોતા વિસ્તારમાં પહોંચાડવાના એક પાર્સલ અંગે પોર્ટર કર્મચારીને શંકા ગઈ હતી. તેણે પાર્સલ ખોલીને તપાસ કરતા અંદરથી સંદિગ્ધ પડીકીમાં રહેલો MD ડ્રગ્સનો જથ્થો મળી આવ્યો હતો.
પોલીસની તાત્કાલિક કાર્યવાહી: ડિલિવરી કર્મચારીએ સહેજ પણ વિલંબ કર્યા વગર તુરંત જ પોલીસ કંટ્રોલ રૂમને જાણ કરી હતી. નરોડા પોલીસની ટીમે સ્થળ પર પહોંચી ડ્રગ્સનો જથ્થો પોતાના કબજામાં લીધો હતો.
રેકેટનો પર્દાફાશ કરવા તપાસ લંબાવાઈ: પોલીસે પાર્સલ મેળવનાર વ્યક્તિને ઝડપી પાડી પૂછપરછ હાથ ધરી છે. પ્રાથમિક તપાસમાં બહાર આવ્યું છે કે આ ડ્રગ્સ આગળ અન્ય કોઈ વ્યક્તિને ડિલિવર કરવાનું હતું. નરોડા પોલીસે સમગ્ર ડ્રગ્સ રેકેટની કડીઓ મેળવવા વધુ તપાસ હાથ ધરી છે.