ગુજરાતમાં ઘણી વખત પાકિસ્તાની ઘૂસણખોર પકડાયા હોવાની ઘટના સામે આવતી હોય છે. ત્યારે રાજ્યમાં સરહદી જિલ્લા કચ્છમાં ખાવડા વિસ્તારની બોર્ડર પરથી સુરક્ષા દળોએ પાકિસ્તાની ઘૂસણખોરને ઝડપી પાડ્યો હતો. પ્રાથમિક તપાસમાં આ શખ્સ માનસિક બિમાર હોવાનું સામે આવ્યું છે. જેથી તેને જેઆઈસી ખાતે ખસેડવામાં આવ્યો છે.
માનસિક રીતે અસ્વસ્થ હોવાનું પ્રાથમિક તપાસમાં સામે આવ્યું
કચ્છ જિલ્લામાં ખાવડા વિસ્તારની સરહદ પર બીએસએફના જવાનો પેટ્રોલિંગ કરી રહ્યાં હતાં. તે દરમિયાન કોઈ માનવીય ગતિવિધિ જોવા મળી હતી. બીએસએફના જવાનોએ સ્થળ તપાસ કરતાં એક પાકિસ્તાની ઘૂસણખોર પકડાયો હતો. ખાવડા પોલીસના જણાવ્યા પ્રમાણે આ શખ્સ માનસિક રીતે અસ્વસ્થ હોવાનું પ્રાથમિક તપાસમાં સામે આવ્યું છે. તેની પાસેથી કોઈ આધાર પુરાવા પણ મળી આવ્યા નથી. જો કે હાલ તેને જેઈસી ખાતે મોકલવામાં આવ્યો છે. એજન્સીઓ દ્વારા તેની પુછપરછ કરવામાં આવી રહી છે.