બિઝનેસ / નેશનલ બ્રેકિંગ:
મુંબઈ ખાતે કેન્દ્રીય આરોગ્ય મંત્રી શ્રી જે. પી. નડ્ડાની અધ્યક્ષતામાં આયોજિત ‘ઇન્ડિયા કેમ-૨૦૨૬’ (India Chem-2026)ના રાષ્ટ્રીય મંચ પર ગુજરાત વતી રાજ્યના આરોગ્ય મંત્રી પ્રફુલભાઈ પાનશેરીયાએ વિશેષ ઉપસ્થિત રહીને રાસાયણિક ઉદ્યોગ ક્ષેત્રે ગુજરાતનું અગ્રણી પ્રદાન રેખાંકિત કર્યું હતું.
ગુજરાત બન્યું કેમિકલ ક્ષેત્રની કરોડરજ્જુ: કાર્યક્રમમાં સંબોધન કરતાં મંત્રી પ્રફુલભાઈ પાનશેરીયાએ જણાવ્યું હતું કે, ગુજરાત એ ભારતના રાસાયણિક ઉદ્યોગનું ગ્રોથ એન્જિન છે.
આંકડાકીય સિદ્ધિઓ:
દેશના કુલ રાસાયણિક ઉત્પાદનમાં ગુજરાત એકલું ૫૩ ટકા યોગદાન આપે છે.
પેટ્રોકેમિકલ ઉત્પાદનમાં ૬૨ ટકા અને દેશની કેમિકલ નિકાસમાં ૪૦ ટકાથી વધુ હિસ્સો ધરાવે છે.
દહેજ PCPIRની સફળતા: આશરે ૪૬૫ ચો.કિ. વિસ્તારમાં ફેલાયેલું દહેજ PCPIR દેશનું સૌથી સફળ PCPIR બન્યું છે, જેણે આશરે ₹૧.૨ લાખ કરોડથી વધુનું ભવ્ય રોકાણ આકર્ષિત કરીને દેશના અર્થતંત્રને મજબૂતી પૂરી પાડી છે.