અંકલેશ્વર / ભરૂચ બ્રેકિંગ:
ભરૂચ જિલ્લાના ઔદ્યોગિક હબ ગણાતા અંકલેશ્વર GIDCમાં વધુ એક વાર આગ લાગવાની ઘટના સામે આવતાં દોડધામ મચી ગઈ છે. GIDC વિસ્તારમાં આવેલી ‘ઓરિએન્ટ એરો’ (Orient Aero) નામના કેમિકલ એકમમાં અચાનક આગ ફાટી નીકળતાં અફરાતફરીનો માહોલ સર્જાયો હતો.
આકાશમાં ધુમાડાના ગોટેગોટા: કેમિકલ કંપનીમાં આગ લાગતાં જ કાળા ધુમાડાના ગોટેગોટા આકાશમાં દૂર દૂર સુધી નજરે પડ્યા હતા.
ફાયર બ્રિગેડની ત્વરિત કામગીરી: ઘટનાની જાણ થતાં જ ફાયર વિભાગની ટીમ તાત્કાલિક સ્થળ પર દોડી ગઈ હતી. ૨ ફાયર ફાયટરોની મદદથી વહેલી તકે આગ પર સંપૂર્ણ કાબૂ મેળવી લેવાયો હતો.
મોટી જાનહાનિ ટળી: સદનસીબે આ આગની હોનારતમાં કોઈ જાનહાનિ કે ઈજા થઈ નથી. જોકે, અંકલેશ્વર GIDCમાં અવારનવાર બનતી આવી આગની ઘટનાઓને પગલે ઉદ્યોગોમાં સુરક્ષાની વ્યવસ્થા સામે ગંભીર સવાલો ઊભા થઈ રહ્યા છે.