રાજકોટ / સ્થાનિક બ્રેકિંગ:
રાજકોટ શહેરના જાણીતા હેમુ ગઢવી હોલ પાસે આવેલી ‘ખાવ ગલી’માં અચાનક ગેસની પાઇપલાઇનમાં ભીષણ આગ ફાટી નીકળતાં સમગ્ર વિસ્તારમાં ભારે અફરાતફરી અને ભયનો માહોલ સર્જાયો છે.
કામગીરી દરમિયાન દુર્ઘટના: પ્રાથમિક વિગતો અનુસાર, ગેસ પાઇપલાઇનનું રિપેરિંગ અથવા તો નવી લાઈન નાખવાની કામગીરી ચાલી રહી હતી તે દરમિયાન અચાનક જ ગેસ ગળતર સાથે આગ લાગી હોવાનું જાણવા મળ્યું છે.
આગે લીધું વિકરાળ સ્વરૂપ: જોતજોતામાં આગે જોર પકડ્યું હતું અને વિકરાળ સ્વરૂપ ધારણ કરી લીધું હતું. આ બનાવમાં એક વ્યક્તિ દાઝી જતાં તેને સામાન્ય ઈજાઓ પહોંચી છે.
વેપારીઓમાં દોડધામ: ઘટનાની જાણ થતાં જ આસપાસના ખાણીપીણીના વેપારીઓ અને સ્થાનિક લોકો તાત્કાલિક ઘટનાસ્થળે દોડી આવ્યા હતા અને આગ પર કાબૂ મેળવવા માટે ફાયર બ્રિગેડ તથા ગેસ કંપનીને તાત્કાલિક જાણ કરવામાં આવી હતી.