ભાવનગર / ક્રાઈમ બ્રેકિંગ:
ભાવનગર જિલ્લાના તળાજા પંથકમાંથી લોકલ ક્રાઈમ બ્રાન્ચ (LCB)ની ટીમે બાતમીના આધારે દરોડો પાડીને વિદેશી દારૂનો મોટો જથ્થો ઝડપી પાડ્યો છે. પોલીસે કાર સાથે રાજસ્થાનના બે શખ્સોની ધરપકડ કરીને કાયદેસરની કાર્યવાહી હાથ ધરી છે.
ગાડીમાંથી મળી આવ્યો વિદેશી દારૂ: LCB સ્ટાફ પેટ્રોલીંગમાં હતો ત્યારે બાતમી મળી હતી કે ટાટા હેરીયર કાર નંબર (GJ-04-DA-2840)માં વિદેશી દારૂનો જથ્થો ભરીને દીહોરથી ટીમાણા તરફ જઈ રહ્યા છે. પોલીસે વોચ ગોઠવીને ગાડી રોકી તપાસ કરતાં અંદરથી કંપની સીલપેક વિદેશી દારૂની બોટલો મળી આવી હતી.
કુલ મુદ્દામાલ અને આરોપીઓ: પોલીસે કુલ ₹૩,૮૫,૪૯૫ની કિંમતનો વિદેશી દારૂ તથા વાહન સહિત કુલ ₹૧૦,૯૦,૪૯૫નો મુદ્દામાલ જપ્ત કર્યો છે.
ઝડપાયેલા આરોપીઓ: આ કેસમાં (૧) ડુંગરપુરી ઉર્ફે સુંદર રાવતપુરી ગૌસ્વામી (ઉ.વ.૨૩, રહે. રાજસ્થાન) અને (૨) નપારામ માનારામ માલી (ઉ.વ.૨૨, રહે. રાજસ્થાન)ની ધરપકડ કરવામાં આવી છે, જ્યારે પોલીસે ગુનો નોંધીને દારૂ ક્યાંથી લાવ્યા હતા અને કોને આપવાનો હતો તે દિશામાં વધુ તપાસ શરૂ કરી છે.
