ભાવનગર / ક્રાઈમ બ્રેકિંગ:
ભાવનગર જિલ્લામાં ‘નશામુક્ત ગુજરાત અભિયાન’ હેઠળ પોલીસે કડક કાર્યવાહી હાથ ધરીને મહુવાના કાકીડી ગામની સીમમાં ચાલતા ગેરકાયદે ગાંજાના વાવેતરનો પર્દાફાશ કર્યો છે.
જુવારની આડમાં ગાંજાની ખેતી: સચોટ બાતમીના આધારે બગદાણા પોલીસ સ્ટેશનના પી.આઈ. કે.કે. રાઠોડ અને ટીમ દ્વારા મેરપર વાડી વિસ્તારમાં દરોડો પાડવામાં આવ્યો હતો.જ્યાં આરોપી પરેશભાઈ ઉર્ફે પ્રવીણભાઈ ખાટાભાઈ ચાવડાની વાડીમાં જુવારના પાકની આડમાં ઉગાડેલા ગાંજાના ૧૯ લીલા છોડ મળી આવ્યા હતા.
₹૨.૮૯ લાખનો મુદ્દામાલ જપ્ત: પોલીસે સ્થળ પરથી ૫.૭૮૦ કિલોગ્રામ વજન ધરાવતા ગાંજાના ૧૯ લીલા છોડ (અંદાજિત કિંમત ₹૨,૮૯,૦૦૦) જપ્ત કરીને આરોપીને સ્થળ પરથી જ ઝડપી પાડ્યો છે.
NDPS એક્ટ હેઠળ ગુનો નોંધી તપાસ શરૂ: પોલીસે આરોપી સામે NDPS એક્ટ હેઠળ ગુનો નોંધીને આ ગેરકાયદે ખેતી પાછળ અન્ય કોઈ મુખ્ય સૂત્રધારો કે નેટવર્ક સંકળાયેલું છે કે કેમ તે દિશામાં ઊંડાણપૂર્વક તપાસ હાથ ધરી છે.