BCCIએ 4 ખેલાડીઓને કર્યા સાઈડલાઈન, સેન્ટ્રલ કોન્ટ્રાક્ટમાંથી કટ, કરિયર પર સવાલ
BCCIએ 2025-26 માટે નવો સેન્ટ્રલ કોન્ટ્રાક્ટ જાહેર કર્યો છે, જેમાં 4 ખેલાડીઓનું પત્તું કટ થઈ ગયું છે.
બોર્ડે કોન્ટ્રાક્ટ લિસ્ટ 34થી ઘટાડીને 30 કર્યું છે. આ લિસ્ટમાંથી મોહમ્મદ શમી, સરફરાઝ ખાન, રજત પાટીદાર અને મુકેશ કુમાર બહાર થઈ ગયા છે.
શમીએ છેલ્લે ચેમ્પિયન્સ ટ્રોફી 2025માં ભારત માટે રમ્યો હતો. ફિટનેસ અને સતત ઈજાના કારણે તે બહાર છે. સરફરાઝે 2024માં ડેબ્યૂ કર્યું હતું, 6 ટેસ્ટમાં 371 રન બનાવ્યા, પણ ન્યૂઝીલેન્ડ સામે ફ્લોપ થયા બાદ તક નથી મળી.
RCBને IPL જિતાડનાર કેપ્ટન રજત પાટીદારે 3 ટેસ્ટમાં માત્ર 63 રન બનાવ્યા છે, જ્યારે મુકેશ કુમાર પણ 2024 પછી ટીમમાં નથી. કોન્ટ્રાક્ટમાંથી નીકળતા આ ચારેયનું ભારતીય કરિયર હવે લગભગ ખતમ માનવામાં આવી રહ્યું છે.