અમદાવાદ
અમદાવાદના રામોલ પોલીસ સ્ટેશનથી ગામ તરફ જતા મુખ્ય માર્ગ પર સ્થાનિક તંત્રની ગંભીર બેદરકારી સામે આવી છે. રસ્તાની વચ્ચોવચ આવેલું એક મોટું ઝાડ વાહનચાલકો માટે સતત જોખમરૂપ બની રહ્યું છે અને આ જ ઝાડના કારણે બીજી વખત અકસ્માતની ઘટના સર્જાઈ છે.
નવો રોડ બન્યો પણ ઝાડ ન હટાવાયું: સ્થાનિક રહીશોના જણાવ્યા મુજબ, થોડા સમય પહેલાં જ આ રોડનું નવું નિર્માણ કરવામાં આવ્યું હતું, પરંતુ રસ્તાની વચ્ચે નડતરરૂપ આટલું મોટું ઝાડ હટાવવાની તંત્રે તસ્દી લીધી નથી.
રજૂઆતો એળે ગઈ: સ્થાનિકો દ્વારા વારંવાર કોર્પોરેશન અને સંબંધિત અધિકારીઓને રજૂઆતો કરવા છતાં કોઈ ઉકેલ આવ્યો નથી.
મોટી દુર્ઘટનાની રાહ કેમ?: આ રોડ આગળ જઈને એસપી રિંગ રોડ સાથે જોડાતો હોવાથી અહીંથી દિવસ-રાત ભારે વાહનવ્યવહાર પસાર થાય છે. ત્યારે સવાલ એ ઉઠી રહ્યો છે કે શું તંત્ર કોઈ મોટી હોનારત કે જાનહાનિ થાય તેની રાહ જોઈ રહ્યું છે?