અમદાવાદ:ગુજરાતમાં ડ્રગ્સ માફિયાઓ સામે એજન્સીઓએ લાલ આંખ કરી છે. શહેરના સરદાર વલ્લભભાઈ પટેલ ઈન્ટરનેશનલ એરપોર્ટ પર કસ્ટમ વિભાગ અને ડીઆરઆઈ (DRI) એ સંયુક્ત ઓપરેશન હાથ ધરીને વિદેશી હાઈબ્રિડ ગાંજાનું સ્મગલિંગ પકડી પાડ્યું છે.
બેંગકોકથી લાવવામાં આવ્યું ડ્રગ્સ:
મળતી માહિતી મુજબ, બેંગકોકથી ફ્લાઈટમાં આવેલા બે શંકાસ્પદ મુસાફરોની તપાસ કરતા તેમની પાસેથી ૨.૨૫ કિલો હાઈબ્રિડ ગાંજો મળી આવ્યો હતો. આ ડ્રગ્સ અત્યંત મોંઘું અને નશાકારક માનવામાં આવે છે. DRI ની ચોક્કસ બાતમીના આધારે કસ્ટમ વિભાગે આ કાર્યવાહી કરી હતી.
તપાસનો ધમધમાટ:
પકડાયેલા બંને આરોપીઓ સામે NDPS એક્ટ હેઠળ ગુનો નોંધીને એરપોર્ટ પોલીસને જાણ કરવામાં આવી છે. હાલ પોલીસ અને કસ્ટમ એ જાણવા માટે તપાસ કરી રહી છે કે, આ ગાંજો અમદાવાદમાં કયા પેડલરને પહોંચાડવાનો હતો.
યુવાધન માટે ખતરો:
સ્મગલરો અવનવી પદ્ધતિઓ અપનાવીને નશીલા પદાર્થો ઘુસાડવાનો પ્રયાસ કરી રહ્યા છે. તાજેતરમાં પોલીસે ‘ગોગા પેપર’ વેચનારાઓ સામે પણ કાર્યવાહી કરી હતી, જેનો ઉપયોગ ગાંજો પીવા માટે થતો હોય છે.