બિઝનેસ / બેંકિંગ બ્રેકિંગ:
ભારતીય રિઝર્વ બેંક (RBI)એ નાણાકીય અનિયમિતતાઓ અને વણસતી આર્થિક સ્થિતિને ધ્યાનમાં રાખીને ‘પુડુચેરી કો-ઓપરેટિવ અર્બન બેંક લિમિટેડ’ પર તાત્કાલિક અસરથી આકરા નિયંત્રણો લાદી દીધા છે.
₹૫,૦૦૦ ઉપાડની મર્યાદા: RBIના નવા નિર્દેશો અનુસાર, બેંકના ખાતાધારકો આગામી ૬ મહિના સુધી પોતાના બચત, ચાલુ કે અન્ય કોઈ પણ ખાતામાંથી કુલ મળીને વધુમાં વધુ માત્ર ₹૫,૦૦૦ જ ઉપાડી શકશે.
નવી લોન આપવા પર પ્રતિબંધ: રિઝર્વ બેંકની પૂર્વ મંજૂરી વિના આ બેંક હવેથી કોઈ પણ ગ્રાહકને નવી લોન કે એડવાન્સ આપી શકશે નહીં તેમજ હાલની લોનનું નવીનીકરણ (Renew) પણ કરી શકશે નહીં.
ક્યારે હટશે પ્રતિબંધ?: બેંકની નાણાકીય સ્થિતિમાં સુધારો ન થાય ત્યાં સુધી આ તમામ કડક નિયંત્રણો અમલમાં રહેશે. RBI ના આ નિર્ણયથી બેંકના હજારો ગ્રાહકોની ચિંતામાં મોટો વધારો થયો છે.