આંતરરાષ્ટ્રીય / દરિયાઈ સુરક્ષા બ્રેકિંગ:
ઓમાન નજીક આવેલા વ્યૂહાત્મક રીતે અત્યંત મહત્વપૂર્ણ એવા હોર્મુઝ સ્ટ્રેટ (Strait of Hormuz)માંથી પસાર થઈ રહેલા કુવૈતના ઓઈલ ટેન્કર ‘M/T અલ દસમા’ પર અજાણ્યા હુમલાખોરો દ્વારા પ્રોજેક્ટાઈલથી ભયાનક હુમલો કરવામાં આવ્યો છે.
૨૧ ભારતીય નાવિકો સુરક્ષિત: આ ઓઈલ ટેન્કર પર કુલ ૨૧ ભારતીય નાવિકો સવાર હતા. રાહતની વાત એ છે કે હુમલા છતાં તમામ ૨૧ ભારતીય નાવિકો સહીસલામત અને સંપૂર્ણ સુરક્ષિત હોવાની પુષ્ટિ થઈ છે.
આગ પર મેળવાયો કાબૂ: પ્રોજેક્ટાઈલ વાગ્યા બાદ જહાજમાં અચાનક આગ લાગી હતી, જેને જહાજ પર તૈનાત ક્રૂ મેમ્બર્સની સમયસૂચકતાથી તુરંત જ બુઝાવી દેવામાં આવી હતી.
મહિનામાં ૫મી ઘટના: ઉલ્લેખનીય છે કે, ચાલુ ઓક્ટોબર મહિનામાં જ ભારતીય નાવિકો સવાર હોય તેવા જહાજો પર હુમલો થવાની આ સતત ૫મી ગંભીર ઘટના સામે આવી છે, જેને લઈને દરિયાઈ સુરક્ષા એજન્સીઓ એલર્ટ થઈ ગઈ છે.