ડાંગ જિલ્લામાં નવરાત્રીના પવિત્ર પર્વ દરમિયાન 30 થી વધુ આદિવાસી પરિવારોએ સનાતન હિન્દુ ધર્મમાં ઘરવાપસી કરી છે. કુલ 100 થી વધુ સભ્યો માયાદેવી મંદિર ખાતે આયોજિત એક કાર્યક્રમમાં પરત ફર્યા હતા.
આ પરિવારો વર્ષો પહેલાં અમુક કારણોસર ખ્રિસ્તી ધર્મમાં જોડાયા હતા. માયાદેવી મંદિર ખાતે કૃષ્ણદાસ બાપુની ઉપસ્થિતિમાં ઘરવાપસીનો કાર્યક્રમ યોજાયો હતો. આદિવાસી પરિવારો માટે વિશેષ વિધિ અને મંત્રોચ્ચાર કરવામાં આવ્યા હતા.
પરત ફરેલા એક વ્યક્તિએ જણાવ્યું હતું કે દુઃખના કારણે ખ્રિસ્તી ધર્મ અપનાવ્યો હતો, બે-ત્રણ વર્ષ પાલન કર્યા બાદ સારું ન લાગતા ફરી હિન્દુ ધર્મ અપનાવ્યો છે.