લખનઉ: IPL 2026 માં ગુરુવારે ઇકાના સ્ટેડિયમ ખાતે લખનઉ સુપર જાયન્ટ્સ (LSG) અને રોયલ ચેલેન્જર્સ બેંગલુરુ (RCB) વચ્ચે રમાયેલી મેચમાં હાઈવોલ્ટેજ ડ્રામા જોવા મળ્યો હતો. આ અત્યંત રોમાંચક LSG vs RCB Highlights 2026 મેચમાં લખનઉએ બેંગલુરુને 9 રનથી હરાવ્યું હતું. વરસાદના વિઘ્ન વચ્ચે રમાયેલી આ મેચમાં રેકોર્ડ્સ તૂટ્યા, ખેલાડીઓ બાખડ્યા અને યુવા બોલરે વિરાટ કોહલી જેવા દિગ્ગજને આઉટ કરીને મેદાન ગજવ્યું હતું.
ચાલો જાણીએ આ ઐતિહાસિક મેચની ટોપ-5 મોમેન્ટ્સ અને રેકોર્ડ્સ વિશે:
૧. કોહલીને ઝીરો પર આઉટ કરી પ્રિન્સ યાદવની છલાંગ
બીજી ઇનિંગ્સમાં બેંગલુરુની શરૂઆત ખરાબ રહી હતી. યુવા બોલર પ્રિન્સ યાદવે લગભગ 140 kmph ની ઝડપે નાખેલા એક શાનદાર બોલ પર વિરાટ કોહલી (0 રન) ક્લીન બોલ્ડ થઈ ગયા હતા. કોહલી આગળ વધીને રમવા ગયા પરંતુ બોલ સીધો ઓફ સ્ટમ્પ ઉખાડી ગયો. આ મોટી વિકેટ લેતા જ પ્રિન્સે હવામાં છલાંગ લગાવીને જોરદાર અને આક્રમક સેલિબ્રેશન કર્યું હતું.
૨. મેદાન વચ્ચે કૃણાલ પંડ્યા અને નિકોલસ પૂરન બાખડ્યા
મેચની સૌથી ગરમાગરમ મોમેન્ટ ત્યારે જોવા મળી જ્યારે કૃણાલ પંડ્યાએ નિકોલસ પૂરનને એક ઘાતક બાઉન્સર ફેંક્યો. પૂરન આ બોલ પર બિલકુલ સહજ નહોતો. જ્યારે તે નોન-સ્ટ્રાઈક એન્ડ પર પહોંચ્યો, ત્યારે બંને વચ્ચે ઉગ્ર બોલાચાલી થઈ ગઈ હતી. જોકે, અન્ય ખેલાડીઓના હસ્તક્ષેપથી મામલો તરત જ શાંત પડી ગયો હતો.
૩. મિચેલ માર્શની લખનઉ માટે ફાસ્ટેસ્ટ સદી
આ LSG vs RCB Highlights 2026 ની સૌથી મોટી સિદ્ધિ મિચેલ માર્શના નામે રહી. તેણે ઇકાના સ્ટેડિયમમાં માત્ર 49 બોલમાં આક્રમક સદી ફટકારીને નવો રેકોર્ડ બનાવ્યો છે. આ પહેલા લખનઉ માટે સૌથી ઝડપી સદીનો રેકોર્ડ રિષભ પંત (54 બોલ) ના નામે હતો. માર્શના એક ગગનચુંબી છગ્ગાથી બાઉન્ડ્રી પર ઉભેલા કેમેરામેનના માથા પર પણ બોલ વાગ્યો હતો!
૪. પંતના હાથમાંથી છૂટ્યું બેટ, અને મળ્યું જીવનદાન
17મી ઓવરમાં જોશ હેઝલવુડના એક યોર્કર પર શોટ મારવા જતા રિષભ પંતના હાથમાંથી બેટ છૂટી ગયું હતું, તેમ છતાં બોલ બાઉન્ડ્રી પાર થઈ ચોગ્ગો ગયો હતો. આ જ ઓવરમાં પંતનો એક કેચ પણ છૂટ્યો હતો, જેને પકડવાના પ્રયાસમાં ફિલ્ડર બેથેલની આંગળીમાંથી લોહી નીકળવા લાગતા તેને મેદાન બહાર જવું પડ્યું હતું.
૫. કેપ્ટન પાટીદારની ફિફ્ટી અને ભુવીનો મહારેકોર્ડ
-
રજત પાટીદારનો પાવર: બેંગલુરુના કેપ્ટન રજત પાટીદારે મયંક યાદવની ઓવરમાં 101 મીટર લાંબો છગ્ગો ફટકારીને પોતાની શાનદાર ફિફ્ટી પૂરી કરી હતી.
-
ભુવનેશ્વર કુમારની સિદ્ધિ: બેંગલુરુનો ભુવનેશ્વર કુમાર આ મેચ સાથે IPL ના ઈતિહાસમાં 200 મેચ રમનારો પ્રથમ અને એકમાત્ર ફાસ્ટ બોલર (Pacer) બની ગયો છે.
