ગીર સોમનાથ / વેધર બ્રેકિંગ:
રાજ્યમાં એક તરફ તહેવારોની મૌસમ ચાલી રહી છે, ત્યારે બીજી તરફ અણધાર્યા હવામાન પલટાએ ખેડૂતોની ચિંતા વધારી દીધી છે. ગીર સોમનાથ જિલ્લામાં બપોર બાદ અચાનક વાતાવરણમાં પલટો આવ્યો હતો અને કમોસમી વરસાદ (માવઠું) વરસી ગયો હતો.
કોડીનાર પંથકમાં ગાજવીજ સાથે વરસાદ:
જિલ્લાના કોડીનાર તાલુકાના ગીર સરહદી વિસ્તારોમાં જોરદાર ગાજવીજ અને ભારે પવન સાથે અડધાથી પોણો કલાક સુધી વરસાદ ખાબક્યો હતો. ધોધમાર વરસાદના પગલે ઘાટવડ, કંટાળા, પાવટી અને સાંઢળીધાર સહિતનાં ગામોમાં પાણી વહેતા થયા હતા.
મગફળીના પાકને નુકસાનની ભીતિ:
આ અણધાર્યા માવઠાને કારણે ખેતરોમાં ઊભા પાક તેમજ ખાસ કરીને કાપણી બાદ સુકવવા માટે ખુલ્લામાં મૂકેલા મગફળીના પાકને ભારે નુકસાન થવાની પૂરેપૂરી શક્યતા છે, જેના કારણે અન્નદાતાઓની ચિંતા સાતમા આસમાને પહોંચી ગઈ છે.